中華人民共和國香港特別行政區 Hong Kong Special Administrative Region of the People’s Republic of China | |||||
Sonderverwaltigszone Hongkong vo der Volksrepublik China | |||||
| |||||
Amtsspraach | Chinesisch (Kantonesisch oder Hochchinesisch), Änglisch[1] | ||||
Regierigschef | Schefadministrator Leung Chun-ying | ||||
Flächi | 1104[2] km² | ||||
Iiwohnerzahl | 7'097'600 (Ändi 2010)[3] | ||||
Bevölkerigsdichti | 6429 Iiwohner pro km² | ||||
Bruttoinlandsprodukt
|
2011[4]
| ||||
Human Development Index | ▲ 0,891 (15.) (2013)[5] | ||||
Währig | Hongkong-Dollar (HKD) | ||||
Zitzone | UTC+8 | ||||
Kfz-Kennzeiche | HK | ||||
ISO 3166 | HK, HKG, 344 | ||||
Internet-TLD | .hk und .香港 | ||||
Vorwahl | +852 | ||||
![]() | |||||
![]() | |||||
![]() |
Hongkong (chin. 香港, Xiānggǎng, kant. Yale: Hēunggóng, Jyutping: Hoeng1 gong2, Guangdong: Hêng1 gong2, engl. Hong Kong „Duftende Haafe“) isch e Metropole und Sonderverwaltigszoone an dr Südküste vo dr Volksrepublik China im Mündigsgebiet vom Perlfluss. Mit über 7 Millione Iiwooner uf 1104 km² und eme bedütende Wirtschafts- und Finanzsektor zelt Hongkong zu de Wältstedt. 95 Brozänt vo de Iiwooner vo Hongkong si Chinese und die mäiste von ene schwätze Kantonesisch.
Hongkong isch wääred em Erste Opiumchrieg 1841 dur s Veräinigte Köönigriich bsetzt worde. Im Verdraag vo Nanking isch s 1843 zur britische Chroonkolonii erkläärt worde. Für vili Chinese isch die britischi Kolonii e Zuefluchtsort vor em Chinesische Bürgerchrieg 1927 bis 1949 gsi und vor dr kommunistische Volksrepublik China, wo denn entstande isch. Im Joor 1997 het Groossbritannie d Staatshoheit an d Volksrepublik China überdräit. Sit denn isch Hongkong e chinesischi Sonderverwaltigszoone und het si freiji Määrtwirtschaft und e hoochi inneri Autonomii döfe bhalte.
D Gebiet, wo am dichtiste besiidlet si, si d Halbinsle Kowloon und dr Norde vo Hong Kong Island, wo dur die schmali Meerängi Victoria Harbour drennt si. Zu de New Territories ghööre s ursprünglige Hinderland nördlig vo Kowloon, wo die grössti Flechi vo Hongkong usmacht, und die mäiste vo de 263 Insle vo Hongkong. Die grössti Insle vo Hongkong isch Lantau Island. In sinere Nööchi befindet sich dr Hong Kong International Airport. Wil d Bevölkerig stark gwaggse isch und es z Hongkong nume wenig Land zum Baue git, het mä im Meer dur Ufschüttig groossi Flechene vo Land gwunne, und vili Wulkechratzer baut. In dr zwäite Jelfti vom 20. Joorhundert het mä meereri Blaanstedt in de New Territories baut und jetz lääbe die mäiste Iiwooner vo Hongkong dört.